Seçki Məcəlləsinin müvafiq maddəsinə edilmiş dəyişikliyə əsasən, namizədlərə təşviqat və təbliğat üçün ayrılmış vəsaitin ləğv olunması namizədlərin bərabər şəraitdə mübarizə aparmalarına imkan yaradacaq.
Vaşinqtonun “The Examiner” qəzeti avqustun 23-də ABŞ Senatının sabiq üzvü Konrad Börnsün “ABŞ-ın Azərbaycana səfirinin təsdiqlənməsini ləngitmək lazım deyil” başlıqlı məqaləsini dərc edib.
Standartlaşdırma, Metrologiya və Patent üzrə Dövlət Komitəsi 2010-cu ilin yanvar-iyul aylarında 1145 təsərrüfat subyektində məhsul və malların keyfiyyətinə dövlət nəzarəti tədbirləri həyata keçirib.
Azərbaycanın Qazaxıstandakı səfirliyi Ermənistanın bəzi internet səhifələrində Qazaxıstanın Uralsk şəhərində keçirilmiş sambo üzrə beynəlxalq yarışda qondarma “DQR”in “vətəndaşı” Aşot Danielyanın qalib gəlməsinə dair məlumatla bağlı araşdırma aparıb.
"Dağıstan" Respublika İnformasiya Agentliyi ilə Azərbaycanın "Trend" Beynəlxalq İnformasiya Agentliyi arasında informasiya sahəsində əməkdaşlıq haqqında saziş imzalanıb.
Azərbaycanda mədəniyyət telekanalının yaradılması ilə bağlı Milli Teleradio Şurasının (MTRŞ) elan etdiyi müsabiqəyə bu günədək rəsmi şəkildə sənəd təqdim edən olmayıb.
Ekologiya və Təbii Sərvətlər Nazirliyi Kür və Araz transsərhəd çaylarının, həmçinin, onların transsərhəd qollarının çirklənmə səviyyəsi ilə bağlı növbəti hesabatını açıqlayıb.