Tanınmış azərbaycanlı sənətçilərdən sərt etiraz - VİDEO - FOTOSESSİYA

Milli.Az xəbər verir ki, Xəzər TV-nin təşəbbüsü ilə tanınmış sənətçilərimizin iştirakı ilə 20 il bundan əvvəl Xocalı şəhərində amansızcasına qətlə yetirilmiş günahsız soydaşlarımızın axıdılan qanlarına etiraz əlaməti olaraq mini-film hazırlanıb. Sözügedən telekanalın əməkdaşı, klipin rejissoru Rüfət Şahbazov açıqlama verərək bildirdi ki, əsas məqsəd "Justice Pour Khodjalı" (Xocalıya Ədalət), "Stop Armenia" (Ermənistan, dayan!) şüarları ilə yüzlərlə insanın ölümü, mindən artıq vətəndaşımızın əsir götürülməsinə etirazın üzərində bütünləşib.

"Ad çəkib çəkilişlərə qatılan sənətçilər arasında ayrı-seçkilik etmək istəmirəm, bircə onu vurğulamaq istəyirəm ki, aksiyamızda iştirak edən hər kəs Xocalı soyqırımı ilə bağlı aksiyanı eşidər-eşitməz səsimizə səs verdi. Azyaşlı uşaqları erməni vəhşiliyinə etiraz əlaməti olaraq layihəyə cəlb etməklə, onları da əsas qəhrəmanlarımız sırasına qoşduq. Ekran işində müəlliflərin adlarının qeyd olunmaması da buna bir sübutdur. Bu bütün azərbaycanlıların haqsızlıqla barışmadıqlarını əks etdirən videoçarxdır. Xəzər TV-də, internet saytlarında yayımlanmaqla bərabər, Türkiyənin bir neçə nüfuzlu televiziyaları da bu çarxı nümayiş etdirəcək".

Milli.Az olaraq aksiyanı dəstəkləyir və "Stop Armenia" adlı videoçarxı və çəkiliş zamanı hazırlanan fotosessiyanı sizə təqdim edirik.
   
Şahin Cavadsoy
Milli.Az